Баянхошууны замд өчигдөр орой дахин ноцтой зам тээврийн осол гарчээ.Тодруулбал, 2020 оны 4 дүгээр сарын 15-ны 21:35 цагийн орчимд Сонгинохайрхан дүүргийн 7 дугаар хороо Баянхошууны тойргийн уулзварт Hyundai “Ston Truck” маркийн Б жолоочтой автомашин “Prius-30”, “Rumion”, “Daihatsu terois”, “Prius-20” , “Prius-20”, “Sonota-7” маркийн зургаан машиныг мөргөж, 41 настай эмэгтэй О гэмтжээ. 

Hyundai “Ston Truck” маркийн машины жолооч согтууруулах ундаа хэрэглээгүй байжээ. Уг хэргийг шалгаж эхэлсэн байна.

Том оврын тээврийн хэрэгслээр ачаа, тээврийн ажиллагаа явуулж буй аж ахуйн нэгжүүд автомашины жолооч нарын хөдөлмөр, амралтын горимыг зохицуулж, автомашины бүрэн бүтэн байдлыг хангах асуудалд анхаарахыг ТЦА-наас зөвлөлөө.