ОХУ-д суралцаж буй оюутнуудаа эх оронд нь татан авах ажлыг маргаашаас эхлэн гурван үе шаттайгаар Алтанбулаг боомтод зохион байгуулахаар болжээ.

Энэ талаар ОБЕГ-ын дарга, генерал Т.Бадрал "ОХУ-аас 276 оюутан эх орондоо ирэх хүсэлтээ өгсөн. Үүнээс 100 гаруй нь Москва хотоос, 90 орчим нь Эрхүү, 60 орчим нь Улаан-Үдэд суралцдаг оюутан. 

Хэрвээ оюутнуудаа татаж авахгүйгээр үлдээвэл амь нас нь эрсдэлд орно" гэлээ.

Москва хотоос ирж буй 110 оюутан маргааш 09:00 цагт Улаан-Үдэд буух аж. Тэднийг эх орондоо татаж авахгүй бол өвчлөл улам нэмэгдсээр буй Улаан-Үдэд үлдэж, оюутнууд өвчлөх эрсдэл нь өсөх тул зайлшгүй авах шаардлагатай байгааг албаныхан мэдээлж байна. Уг ажлыг зохион байгуулахаар УОК-ын Шуурхай штабын төлөөлөл Алтанбулаг боомтод ажиллаж байгаа ажээ.

Түүнчлэн Эрхүү, Улаан-Үд, Москвагаас ирэх оюутнуудыг хооронд нь уулзуулж, хавьтал болгохгүйгээр гурван үе шатаар хүлээж авах ажлыг маргааш өглөөнөөс эхлүүлнэ гэдгийг генерал Т.Бадрал хэллээ.