ЭМЯ-наас цаг үеийн асуудлаар мэдээлэл хийлээ. Энэ үеэр ЭМЯ-ны Эмнэлгийн тусламжийн газрын дарга Я.Буянжаргал:

“Улсын хэмжээнд 3222 хүнийг тусгаарлан ажиглалтад авсан. Одоогийн байдлаар 2033 гаруй хүн ажиглалтад байна. Өчигдөр шөнийн байдлаар Орхон аймагт 44 хүн нэмэгдэж, ажиглалтад орж, нийт 88 хүн тусгаарлагдаад байна. Эмчлэгдэж байгаа өвчтөнүүдтэй хамт эрүүл мэндийн байгууллагын, болон үйлчилгээний 286 хүн тусгаарлагдан үйлчилгээ үзүүлж байна. Эдгээр хүмүүс ар гэртээ очихгүй байгаа. Эхний эмч, мэргэжилтнүүд тусгаарлалтаас гарсан" хэмээлээ.