УИХ-ын Аюулгүй байдал, гадаад бодлогын байнгын хороог маргааш 14.00 цагаас хуралдуулахаар болжээ. УИХ-ын дарга Г.Занданшатар энэ талаар хэлэхдээ "Коронавирусээс урьдчилан сэргийлэх ажлын үр дүн, цаашид хийх шаардлагатай ямар ажил байгааг Байнгын хорооны хурлаар хэлэлцэнэ. Шаардлагатай бол стратегийн зарим бүтээгдэхүүний татварыг бууруулах асуудлыг Засгийн газарт оруулж саналыг нь авч хэлэлцэнэ" гэлээ.