УИХ-ын ээлжит чуулган завсарласны дараа Байнгын хороод тухайн чуулганы хугацаанд хийсэн ажлаа танилцуулдаг. Үүний дагуу Эдийн засгийн байнгын хороо намрын чуулганы хугацаанд хийсэн ажлаа танилцууллаа. Тус байнгын хорооны дарга Ж.Ганбаатар "Өнгөрсөн намрын чуулганаар манай Байнгын хороо хэлэлцүүлэн батлуулсан чухал хуулийн нэг нь Жижиг, дунд үйлдвэрийн тухай хууль. Маш сайн хууль батлагдсан гэж бодож байгаа. Харин одоо энэ хуулийг хэрэгжүүлэх нь чухал. Хууль хэрэгжүүлэх чиглэлд Засгийн газар шахалт үзүүлж ажиллана. Энэ хуульд заасны дагуу жижиг, дунд үйлдвэрийн асуудал эрхэлсэн агентлаг байгуулах ёстой" гэлээ.