УИХ-ын чуулганы хуралдаанаар Н.Номтойбаяр гишүүний бүрэн эрхээсээ чөлөөлөгдөх хүсэлтийг хэлэлцэж эхэллээ. Төрийн байгуулалтын байнгын хороо түүний хүсэлтийг хүлээж авах нь зүйтэй гэж үзсэн юм. 

 УИХ-ын чуулганы өнөөдрийн үдээс өмнөх хуралдаанаар түүний бүрэн эрхийг түдгэлзүүлэх асуудлыг хэлэлцсэн ч тодорхой шийдэлд хүрээгүй юм. Тодруулбал, хуралд 58 гишүүн оролцсоноос олонх нь буюу 30 нь бүрэн эрхийг нь түдгэлзүүлэхийг дэмжжээ. Гэвч энэхүү шийдвэрээ баталгаажуулах тогтоолыг хуралдаанд оролцсон гишүүдийн олонх дэмжээгүй юм. Улмаар Н.Номтойбаяр гишүүн бүрэн эрхээсээ чөлөөлөгдөх хүсэлтээ гаргасан. Тэрээр уг хүсэлтдээ  "УИХ-ын гишүүн Н.Номтойбаяр миний бие УИХ-ын тухай хуулийн 6.6.3-т заасны дагуу УИХ-ын гишүүнээс чөлөөлөгдөх хүсэлтээ гаргаж байгааг хэлэлцэн шийдвэрлэж өгнө үү" гэсэн юм.