Хан-Уул дүүргийн Эрүүгийн хэргийн анхан шатны шүүхэд өнөөдөр 09.30 цагт товлогдсон УИХ-ын гишүүн асан Д.Гантулгад холбогдох хэргийн шүүх хуралдаан 12 хоногоор хойшилжээ.

Тодруулбал, шүүгдэгч Д.Гантулгын ээж бурхан болж, ажил явдал нь өнөөдөр болж буйтай холбоотойгоор шүүх хурлыг хойшлуулсан гэнэ. Шүүх хуралдаанд оролцсон улсын яллагч, хохирогч, шүүгдэгчийн өмгөөлөгч нар Д.Гантулгын шүүх хурлыг хойшлуулж өгөөч хэмээн бичгээр гаргасан хүсэлтийг эсэргүүцээгүй аж.

Түүнд шүүхээс Эрүүгийн хуулийн тусгай ангийн 12.1 дүгээр  зүйлийн 1 дэх хэсэгт зааснаар яллах дүгнэлт үйлдсэн байна. 

Шүүгдэгч Д.Гантулгад урьд авсан хувийн баталгаа гаргах, Монгол Улсын хилээр гарахыг хориглох хязгаарлалт тогтоох таслан сэргийлэх арга хэмжээг хэвээр үргэлжлүүлэхээр тогтжээ.