Сангийн сайд Ч.Хүрэлбаатарыг АТГ-аас шалгаж эхэлсэн талаар зарим хэвлэлүүд мэдээлж эхэллээ. Түүнийг Увс аймгийн нутагт байрлах Хотгор шанагын уурхайн асуудлаар бүртгэлтийн хэрэг нээж АТГ-аас шалгаж байгаа. Уг хэрэг эцэслэгдээгүй байхад концессын гэрээтэй холбоотой хэд хэдэн ноцтой асуудлаар АТГ дахин шалгаж эхэлсэн байна.

Түүнийг 2020 оны төсвөөс өөрийн тойрогтоо дахин концесс нэрээр 130 тэрбумыг төсвөөс авахаар болсон гэж үзэж байна. Хэдийгээр Сангийн сайд бид дахиж концессын асуудал ярихгүй гэж мэдэгдээд байгаа ч 2020 оны төсвөөс гаргуулах 130 тэрбумаар “Завхан аймгийн Сонгино сумаас Увс аймгийн Хяргас, Зүүнхангай чиглэлийн 135.5 км хатуу хучилттай авто замын ажил”-ыг эхлүүлэх гэнэ.