Долоо хоног бүрийн лхагва гаригт Засгийн газрын ээлжит хуралдаан болдог. Хуваарын дагуу Засгийн газрын хуралдаан өнөөдөр болох ёстой ч Ерөнхий сайд У.Хүрэлсүх, ЗГХЭГ-ын дарга Л.Оюун-Эрдэнэ нар танхимынхаа зарим сайд нартай хамт хөдөө орон нутагт ажиллаж байгаа юм. Тодруулбал, Хэнтий, Говь-Алтай, Ховд аймгуудад ажиллахаар хөдөө орон нутгийн зорьсон. Өнгөрсөн өдрүүдэд Хэнтий аймагт ажиллаж, нутаг орноо хөгжүүлэх тал дээр идэвх санаачлагатай байж, зуны гурван сард налайж суулгүй, наадам хэсч  алгуурлалгүй, улстөржиж талцалгүй  одооноос төсөв хөрөнгө нь батлагдсан ажлуудаа хариуцлагатай хийхийг захижээ.