Авлигатай тэмцэх газраас Монгол Улсын Ерөнхийлөгч, УИХ-ын дарга, Ерөнхий сайд, УИХ-ын гишүүд болон УИХ, Засгийн газраас томилогддог 282 төрийн өндөр албан тушаалтны 2018 оны хөрөнгө орлогын мэдүүлгийн зарлалаа.

Ерөнхийлөгч Х.Баттулга өнгөрсөн онд 40.9 сая төгрөгийн орлого олсон нь өмнөх жилийнхээсээ 2.1 дахин өссөн үзүүлэлт болжээ.Харин түүний гэр бүлийн гишүүдийн орлого зургаан сая төгрөгөөр буурч 18 сая төгрөг болсон байв.

УИХ-ын дарга Г.Занданшатар 2018 онд 94.3 сая төгрөгийн орлого олжээ. Энэ нь өмнөх оныхоосоо 74.9 сая төгрөгөөр буурсан аж.Гэвч УИХ-ын даргын гэр бүлийн гишүүдийн олдог орлого өнгөрсөн жил 4.9 өсч  133.4 сая төгрөг болсон байна.

Харин Ерөнхий сайд У.Хүрэлсүх 2018 онд 160.7 сая төгрөгийн орлого олсон байна. Ерөнхий сайдийн өнгөрсөн жилийн олсон орлого нь Ерөнхийлөгч Х.Баттулгынхаас 4 дахин, УИХ-ын дарга Г.Занданшатарынхаас 1.7 дахин өндөр байгаа юм.Хачирхалтай нь Ерөнхий сайдын гэр бүлийн гишүүд нэг ч төгрөгийн орлого олоогүй бөгөөд хадгаламжин дахь мөнгө нь 61.5 сая төгрөгөөр буурч 1.69 тэрбум төгрөг болсон байна.

Төрийн өндөр албан тушаалтнуудын ХОМ-тэй http://xacxom.iaac.mn/?fbclid=IwAR2qu5URnFst59upPLbbPOcBQ5ziKRt9iDBGq_6oJJJHazJ-qkXET2BTe70 энэ холбоосоор орж танилцана уу.