Монголын багш нарын VII их хурал Төрийн ордонд ирэх дөрөвдүгээр сарын 11-нд болно. БСШУСЯ-наас зохион байгуулах их хуралд аймаг, нийслэлийн бүх шатны боловсролын байгууллагаас гадна Монгол Улсын бүх сумын төлөөлөл болох 800 багш оролцоно. 

Улсын хэмжээнд 47 мянган багш ажилладаг. Их хуралд оролцох чадахгүй багш нарынхаа саналыг БСШУСЯ-ны вэб сайтаараа дамжуулан авч байна.

Багш нарын их хурлаар боловсролын байгууллагын чанар хүртээмж, багшийн хүрэлцээ, багш нарын нийгмийн асуудал зэрэг боловсролын салбарт тулгамдсан олон асуудлыг хэлэлцэж, хуралдаанаар хэлэлцсэн гол асуудлаар Уриалга гаргах юм байна.