Долоо хоног бүрийн Лхагва гараг Засгийн газрын хуралдаан болдог. Энэхүү хуваарийн дагуу Засгийн газрын ээлжит хуралдаан өнөөдөр /2019.01.30/ 08.00 цагт Төрийн ордонд эхэлсэн. Тэгвэл дөнгөж сая хуралдаанаар ирэх долоо хоногийн Баасан гарагийн ажлын өдрийг амралтын өдөрт шилжүүлж, энэ долоо хоногийн бямба /2019.02.02/ гарагийг ажлын өдөр болголоо. 

 Сар шинийн баяраар хуулийн дагуу гурав хоног буюу шинийн 3-нийг хүртэл амардаг билээ. Харин энэ жилийн шинийн 1 ирэх долоо хоногийн Мягмар гарагт таарч байгаа бол Баасан гараг шинийн 4-ний өдөр таарч байгаа юм. Тиймээс баасан гарагийн ажлын өдрийг амралтын өдөрт шилжүүлж байгаа аж.