Нийслэлийн Засаг дарга асан С .Батболд өөрийн хүсэлтээр үүрэгт ажлаасаа огцрох хүсэлтээ өгөөд сар гаруйн хугацаа өнгөрлөө.

Энэ хугацаанд Нийслэлийн Засаг даргын албан тушаалд хэд хэдэн хүний нэр яригдаж байсан ч өнгөрсөн 7 хоногт хуралдсан Нийслэлийн МАН-ын хорооноос Хотын даргад С.Амарсайхан, Б.Мөнхбаатар, Р.Дагва нарын нэрийг дэвшүүлэн өрсөлдүүлсэн.

Нийслэлийн МАН-ын хорооны 15 тэргүүлэгчээс Нийслэлийн Засаг даргад өрсөлдсөн С.Амарсайханд 9, Б.Мөнхбаатарт 5, Р.Дагвад 1 санал тус тус өгч, хамгийн олон буюу 63 хувийн санал авсан С.Амарсайханы нэрийг МАН-ын хорооны Удирдах зөвлөлд Нийслэлийн Засаг даргад нэрийг нь батламжлан илгээжээ.

Үүний дараа С.Амарсайханы нэрийг МАН-ын Удирдах зөвлөлийн 29 гишүүн 100 хувь түүнийг Нийслэлийн Засаг даргад дэмжсэн байна.

Өнөөдөр 11:00 цагаас эхлэх НИТХ-ын хурлаар Засаг даргад томилох эсэхийг хэлэлцэнэ.