Нийслэлийн Засаг дарга бөгөөд, Улаанбаатар хотын захирагч С.Батболд ажлаа өгсөн учраас өнөөдөр /2018.12.28/ МАН-ын Удирдах зөвлөлөөс Хотын даргад нэр дэвшигчдийг хэлэлцэж тодруулсан байна.

Удирдах зөвлөлийн хуралдаанаар Хотын даргад өрсөлдөгч Б.Мөнхбаатар, С.Амарсайхан, Р.Дагва нарын гурван хүнийг хэлэлцэж, Хотын даргад НИТХ-ын даргаар ажиллаж байгаа С.Амарсайханыг дэмжжээ. Тэгэхээр өнөөдөр НИТХ дахь намын бүлгүүд хуралдаж, улмаар үдээс хойш 15 цагаас НИТХ-ын хуралдаанаар нэр дэвшигчдийг хэлэлцэж, Хотын даргыг тодруулах аж.