ЖДҮХС-гийн үйл ажиллагаар сайжруулах зорилгоор маргааш Төрийн ордонд "ЖДҮ-г жинхэнэ хэрэглэгчдэд нь хүргэе" гэсэн хэлэлцүүлэг зохион байгуулахаар болжээ. Энэ талаар УИХ-ын гишүүн Ж.Бат-Эрдэнэ, А.Ундраа нар мэдээлэл хийлээ. Цаашдаа уг сангийн үйл ажиллагааг хэрхэн нээлттэй ил тод болгох, хяналтыг нь яаж сайжруулж болох талаар бизнес эрхлэгчдийн саналыг сонсох юм байна. Гэхдээ ганцхан удаа хэлэлцүүлэг хийгээд өнгөрөхгүй бөгөөд хууль эрх зүйн орчныг нь сайжруулах шаардлагатай байгааг мэдээлэл хийсэн УИХ-ын гишүүд хэлж байлаа. Тэдэнтэй хамт жижиг, дунд үйлдвэрлэл эрхдэгчдийн төлөөлөл мэдээлэл хийсэн юм. Архангай аймгийн Жижиг, дунд үйлдвэрлэл, бизнес эрхлэгчдийн холбооны гүйцэтгэх захирал Б.Батбаасангийн хэлснээр бол тус аймгаас өнгөрсөн хавар 300 хүнийг ажлын байраар хангах 45 төсөл нийтдээ 800 сая төгрөгийн зээл хүссэн боловч нэг нь ч авч чадаагүй байна.