Засгийн газрын өнөөдрийн хуралдаанаар ЖДҮХС-гаас  өөрийн хамаарал бүхий аж ахуйн нэгжид зээл авсан нэр бүхий дөрвөн албан тушаалтанг чөлөөлөх асуудлыг хэлэлцлээ. Засгийн газар хамаарах асуудлынхаа хүрээнд Барилга, хот байгуулалтын дэд сайд Ш.Лхамсүрэн, ТӨБЗГ-ын дарга Ц.Ням-Осор нарыг үүрэгт ажлаас нь чөлөөлөв. Харин тэдний оронд үүрэг гүйцэтгэгчийг  тус хуралдаанаас томилоогүй юм. Дашрамд мэдээлэхэд, Барилгын хөгжлийн төвийн захирал Ц.Амарсанаа, “УБЦТС” ТӨХК-ийн захирал Д.Баярсайхан нарыг үүрэгт ажлаас нь чөлөөлөх асуудал чиг үүргийнхээ хүрээнд ТӨБЗГ-т хамаарах аж.