УИХ-ын Хууль зүйн байнгын хороо өнөөдөр 09.00 цагаас хуралдаж Үндсэн хуулийн цэцийн 2018 оны 14 дүгээр дүгнэлт, Нотариатын тухай хуульд өөрчлөлт оруулах тухай хуулийн төсөл, Ерөнхийлөгчийн 2019 оны төсвийн тухай хуульд тавьсан хоригийг хэлэлцэхээр төлөвлөөд байлаа. Мөн Өргөдлийн байнгын хороо 11.00 цагаас хуралдаж УИХ-ын 1998 оны 29 дүгээр тогтоолоор баталсан “Тусгай хамгаалалттай газар нутгийн үндэсний хөтөлбөр”-ийн хэрэгжилтийн талаарх Байгаль орчин, аялал жуулчлалын сайдын мэдээллийг сонсохоор төлөвлөөд байсан юм. Гэвч дээрх хоёр Байнгын хорооны ирц бүрдээгүйн улмаас хурлаа хойшлууллаа.