УИХ дахь МАН-ын бүлгийн хуралдаанаар өнөөдөр Д.Хаянхярвааг бүлгийн даргын албан тушаалаас огцруулах эсэх асуудлыг хэлэлцэн санал хураалаа.

Хуралд 60 гишүүн оролцож нууцаар санал хураахад 32 гишүүний саналаар Д.Хаянхярвааг УИХ дахь МАН-ын бүлгийн даргаас огцруулах санал дэмжигдлээ.

Огцруулахыг эсэргүүцэж 27 гишүүн санал өгсөн бол нэг хуудас хүчингүй болжээ.

Өчигдөр Ерөнхий сайд У.Хүрэлсүх бүлгийн дарга Д.Хаянхярвааг огцруулах санал МАН-ын Удирдах зөвлөлд оруулж, дэмжлэг авсан. Харин бүлгийн дарга Д.Хаянхярваа өөрийг нь үндэслэлгүй огцруулах гэж байгаа Ерөнхий сайд У.Хүрэлсүхийн танхимийг огцруулах санал цуглуулна гэж мэдэгдээд байгаа юм.