УИХ-ын гишүүүн Л.Оюун-Эрдэнэ 60 тэрбум төгрөгийн асуудлаар нээлттэй сонсгол хийх санаачлага гаргасан юм.

Түүнийг дэмжин УИХ-ын 18 гишүүн гарын үсгээ зуржээ. Л.Оюун-Эрдэнэ гишүүнтэй нийлээд 19 гишүүн гарын үсэг зурснаар сонсгол явуулах хуулийн босгыг давсан юм. Харин хэзээ сонсгол болох нь тодорхойгүй байна.  

УИХ-ын дарга М.Энхболд Л.Оюун-Эрдэнэ гишүүний хүсэлтийг Хууль зүйн байнгын хорооны даргад шилжүүлжээ. Тус байнгын хорооны дарга Ш.Раднаасэд нээлттэй сонсгол болох эсэх, болбол хэзээ болохыг шийднэ.