Хан-Уул дүүргийн 11 дүгээр хороо Зайсангийн гүүрний орчим хүүхэд усанд живсэн талаар мэдээллийг зургаадугаар сарын 26-ны 15:33 цагт ХУД-ийн цагдаагийн хэлтэст ирсэн байна.

Нийслэлийн Онцгой Байдлын газрын хэвлэлийн албанаас тодруулахад

" Зургаадугаар сарын 26-ны 15:05 цагт хүүхэд усанд живлээ гэсэн дуудлага ирсэн байна. Дуудлагын дагуу Аврах 105 дугаар ангийн ээлжит бүрэлдэхүүн гарч, эрэн хайх ажиллагаагаа эхлүүлжээ.

Эрэн хайх ажиллагаа оройн 21:42 цаг хүртэл буюу үзэгдэх орчин хязгаарлагдах хүртэл үргэлжилсэн боловч олоогүй. Өчигдөр 06:20 цагт эрэн хайх ажиллагаа эхэлж, 09:32 цагт шинээр баригдаж байгаа Яармагийн гүүрний доороос цогцсыг олсон" байна.

Цагдаагийн байгууллагын өгсөн мэдээллээр талийгаач нь дөрвөн найзын хамт усанд орж байгаад живсэн байна. Усанд эндсэн охин Э 10 настай байжээ.

Ум сайн амгалан болтугай.