Орхон голд осолдсон 11 настай хүүг эрэн хайж байгаа талаар Онцгой байдлын ерөнхий газраас мэдээллээ.

Тодруулбал, Сэлэнгэ аймгийн Сүхбаатар сумын Хонгорморьт багийн “Мөндөлтэй хошуу” гэдэг газар сумын харьяат Б 11 настай хүү тавдугаар сарын 28-ны өдрийн 16:00 цагт “Орхон” голд осолдсон дуудлагыг 29-ний өдрийн 10:09 цагт аймгийн Онцгой байдлын газар хүлээн авчээ.

Ингээд аймгийн Онцгой байдлын газрын 11 алба хаагч Дархан-уул аймгийн Онцгой байдлын газрын таван алба хаагч нийт 16 алба хаагч, таван техник хэрэгсэлтэйгээр 29-ний өдрөөс эрэн хайх ажиллагааг зохион байгуулж байна.

Зургаадугаар сарын 4-ний өдрийн байдлаар осолдсон газраас ОХУ-ын хил хүртэл нийт 100 км-т, 2 удаа самналт хийсэн боловч үр дүнд хүрээгүй тул 21:07 цагт эрэн хайх ажиллагааг түр зогсоосон.Өнөөдрийн 07:00 цагт дахин эхлүүлжээ.