УИХ-аас зургаан жилийн хугацаатай томилогддог Үндсэн хуулийн Цэцийн гишүүдээс дөрвийнх нь бүрэн эрх дууссан билээ. Хуулиараа тэдний гурвыг Ерөнхийлөгч Х.Баттулга нэр дэвшүүлж УИХ-д оруулж ирэх ёстой бол нэгийг нь УИХ-ын дарга парламентад санал болгох юм. Тэгвэл УИХ-ын дарга Үндсэн хуулийн Цэцийн гишүүнээр Ш.Солонгоог нэр дэвшүүлжээ. Харин Ерөнхийлөгч Х.Баттулга Төрийн өмчийн хорооны дарга асан Ц.Нанзаддорж, Шүүхийн шийдвэр гүйцэтгэх газрын дэд дарга Г.Туулхүү, АИХ-ын депутат асан Б.Буяндэлгэр нарын нэрийг оруулж ирснийг УИХ дахь МАН-ын бүлэг хэлэлцэж дэмжсэн байна. Ш.Солонгоог бүрэн эрхийн хугацаа нь дуусаад буй Цэцийн гишүүн Д.Сугарын оронд томилохоор төлөвлөсөн бол нөгөө гурвыг нь Т.Лхагваа, Н.Жанцан, Д.Наранчимэг нарын оронд томилох юм.

Ш.СОЛОНГО

ТӨГССӨН СУРГУУЛЬ, МЭРГЭЖИЛ

1979-1984 онд Москва хотын Улсын Их сургуульд суралцаж төгссөн, хуульч мэргэжилтэй.

1994-2000 онд Япон, Тайвань, Нидерланд, Англи, Итали, Австри зэрэг улсад худалдааны хууль тогтоомж, иргэний хуулийн загвар, олон улсын банк болон санхүүгийн байгууллагын эрх зvйн зохицуулалт, төрийн албаны хууль, эрх зүйн зохицуулалтын асуудлаар сургалт, семинарт оролцож дүүргэсэн.

АЖИЛЛАСАН БАЙДАЛ

1984-1992 онд Сайд нарын Зөвлөлийн Хэрэг эрхлэх газарт мэргэжилтэн,

1992-1996 Засгийн газрын Хэрэг эрхлэх газарт дэс түшмэл, түшмэл, тасгийн даргын үүрэг гvйцэтгэгч,

1996-2000 онд Засгийн газрын Хэрэг эрхлэх газарт Засгийн газрын референт, ахлах референт,

2000-2008 онд Засгийн газрын Хэрэг эрхлэх газрын Хуулийн хэлтсийн дарга,

2008 оноос Засгийн газрын Хэрэг эрхлэх газрын тэргүүн дэд даргаар ажиллаж байна.

Г.Туулхүү

Мэргэжил: Эрх зүйч

Цол: Хурандаа

Боловсролын байдал: Дээд

Ц.Нанзаддорж

Боловсрол: Дээд

Ажилласан байдал: 1996-2011 он хүртэл 15 жилийн хугацаанд Төрийн өмчийн хорооны дарга болон Удирдлага, хувьчлалын газрын даргаар ажиллаж байсан.