Засгийн газраас хэрэгжүүлж буй Мах, сүүний анхдугаар аяны хүрээнд нэр бүхий 11 аж ахуйн нэгж Улаанбаатар, Дархан хотын хүн амын хэрэгцээнд зориулж 12.8 мянган тн нөөцийн мах бэлтгэжээ. Нөөцийн махны борлуулалтыг өнгөрсөн дөрөвдүгээр сарын 10-наас эхлүүлсэн бөгөөд одоогийн байдлаар 34 хувийг нь борлуулсан байна.

Нийслэлд зургаан дүүргийн 150, Дархан-Уул аймгийн 108 худалдааны төв болон хүнсний дэлгүүрээр үхрийн махыг 5500 төг, хонины махыг 5300 төг, ямааны махыг 4400 төгрөгөөр худалдаалж байгаа ажээ.