Хөвсгөл аймгийн Ханх сумаас Мөрөн чиглэлд явж байсан фургон автомашин өчигдөр 17 цаг 50 минутын үед Хөвсгөл нуурт цөмөрч, 4 хүн амь насаа алдсан харамсалтай хэрэг гарчээ.

Автомашинд 6 хүн явсан бөгөөд 2 хүн нь гарч дөрвөн хүн нь автомашинтайгаа живсэн байна. Өглөөний 7 цагаас эхлэн аймгийн Онцгой байдлын газрын алба хаагчид, Ханх сумын удирдлагууд бүхий ажлын хэсэг хэргийн газар цогцсыг хайх, гаргахаар явсан гэж Ханх сумын Засаг даргын тамгын газрын дарга Б.Баасансүрэн мэдээллээ.