Баянзүрх дүүргийн 4 дүгээр хорооны нутаг дэвсгэр “Home plaza” худалдааны төвийн ард байрлалтай цагдаагийн албан хаагчдын 13 давхар орон сууцанд өнөөдөр 12:30 цагийн үед гал гарчээ. Орон сууцны найман давхрын айлд гарсан гал хурдан хугацаанд тархжээ. Нийслэлийн Онцгой байдлын газар дуудлага хүлээн авсан даруйдаа галыг унтраахаар хоёр анги, хоёр тасаг илгээж галыг бүрэн унтраасан байна. Юунаас болж гал гарсан нь одоогоор тогтоогдоогүй байгаа ажээ.