Засгийн газрын хуралдаанаар БСШУСЯ-ны дэд сайдаар Г.Ганбаярыг томилжээ. Тус яамны дэд сайдаар ажиллаж байсан Ё.Отгонбаяр АНУ-д суух Онц бөгөөд Бүрэн Эрхт Элчин сайдаар томилогдсон учир ийн орных нь хүнийг томилж байгаа юм.

Дэд сайдаар томилогдсон Г.Ганбаярын хувьд ТВ-5 телевизэд сэтгүүлчээр ажиллаж байгаад улс төрд орсон хүн. Тэрээр өнгөрсөн хугацаанд НИТХ-ын төлөөлөгч, МАН-ын Хэвлэл, мэдээлэл олон нийттэй харилцах газрын даргаар ажиллаж байсан билээ.  

Харин МИАТ компанийн захирлаар Д.Баттөрийг томилсон байна. Д.Баттөр нь Сангийн яамны Төрийн нарийн бичгийн даргаар ажиллаж байсан хүн юм.