УИХ-ын гишүүн М.Оюунчимэг Хууль зүй, дотоод хэргийн сайд Ц.Нямдоржид хандан Хүүхдийн хүчирхийллийн эсрэг хууль тогтоомжийн хэрэгжилт, Засгийн газрын зүгээс хийгдсэн судалгаа, хэрэгжүүлж байгаа ажлын талаар  асуулга тавьжээ.

Уг асуулгад, Сүүлийн жилүүдэд хүүхдийн хүчирхийлэлтэй холбоотой асуудал, гэмт хэрэг буурахгүй байгаагаар барахгүй олон нийтийг цочирдуулах болсонтой холбогдуулан Засгийн газраас энэ чиглэлд ямар судалгаа, арга хэмжээ авч байгааг УИХ-ын нэгдсэн чуулганд танилцуулахыг хүсье гэжээ.

Эдийн засгийн нөхцөл байдал сайжраагүй, ард түмний амьдрал хүнд байгаагийн хажуугаар хүүхдийн хүчирхийллийн асуудал нь олон нийтийн санааг зовоох гол асуудал гэж үзэж байгаа тул энэ талаар тодорхой тооцоо судалгаатай, хэрэгжүүлэх бодитой арга хэмжээ дурьдсан хариулт өгнө үү хэмээн М.Оюунчимэг гишүүн асуулгадаа бичсэн байна.