Сүхбаатар дүүргийн Боловсролын хэлтэс энэ удаагийн “Мөрөөдлийн газрын зураг бүтээх” сургалтаа сонсголын бэрхшээлтэй хүүхдийн 29-р тусгай сургуулийнхантай хамтран зохион байгууллаа. 
Сургалтанд дүүргийн Засаг даргын орлогч Ц.Шижир, 9 дүгээр ангийн 3 бүлгийн 35 сурагчид, анги удирдсан багш нар, нийгмийн ажилтан, захирал хамтдаа оролцлоо.
Нийслэл, дүүргийн хүүхдүүдэд тэр тусмаа хөгжлийн бэрхшээлтэй хүүхдүүд өөртөө болон ирээдүйдээ итгэх итгэлтэй, хүсэл мөрөөдөлтэй, аз жаргалтай сурч хөгжих боломжийг бүрдүүлэхэд энэхүү сургалтын ач холбогдол оршиж байгаа юм. 
Нэг үүд нээгдвэл мянган үүд нээгдэнэ гэдэг. 
Дүүргийн Засаг даргын орлогч Ц.Шижир хүүхдүүдийн бүтээсэн Мөрөөдлийн газрын зургийг үзэж сонирхон хүсэл мөрөөдлийг нь сонсож, тэдэнд мөрөөдлөө биелүүлэхийн төлөө сайн суралцахыг захиж, бэлэг- дурсгалын зүйл гардууллаа. 
Хүүхдүүд өөрийгөө илүү сайн таньж мэдэн урам зориг авч, ажил мэргэжлийн чиг баримжааны анхны төлөв байдлаа тогтоон хэзээ ч мартагдахгүй нэгэн сайхан үүдийг нээсэн гэдэгт итгэлтэй байна.