УИХ-ын хаврын ээжит чуулган маргааш нээлтээ хийнэ. Чуулганаар 23 асуудал хэлэлцэхээр төлөвлөөд байгаагаас дурдвал Үндсэн хуульд нэмэлт өөрчлөлт оруулах тухай, Улс төрийн намын тухай хуулийн шинэчилсэн найруулгын төсөл багтаж буй.

Чуулганы эхэнд

Монгол Улсын нэгдсэн төсвийн 2019 оны төсвийн хүрээний мэдэгдэл, 2020-2021 оны төсвийн төсөөллийн тухай хуулийн төсөл

“Монгол Улсын 2017 оны төсвийн гүйцэтгэл батлах тухай” Монгол Улсын Их Хурлын тогтоолын төсөл, Монгол Улсын Засгийн газрын 2017 оны санхүүгийн нэгтгэсэн тайлан

Монгол Улсын эдийн засаг, нийгмийг 2017 онд хөгжүүлэх Үндсэн чиглэлийн биелэлт

“Монгол Улсын эдийн засаг, нийгмийг 2019 онд хөгжүүлэх Үндсэн чиглэл батлах тухай” Монгол Улсын Их Хурлын тогтоолын төслийг хэлэлцэх байсан ч өөрчлөлт оржээ.

Тодруулбал, ирэх баасан гаригийн чуулганы нэгдсэн хуралдаанаар

-Үндсэн хуулийн цэцийн 03 дугаар дүгнэлт;

-Бүгд найрамдах Киргиз Улсын нийслэл Бишкек хотод Монгол Улсын Элчин сайдын яам нээн ажиллуулах тухай Улсын Их Хурлын тогтоолын төсөл /Засгийн газар 2018.03.21-ний өдөр өргөн мэдүүлсэн/;

-Улсын нисэхийн тухай хуульд нэмэлт өөрчлөлт оруулах тухай хуулийн төсөл /Засгийн -газар 2018.02.09-ний өдөр өргөн мэдүүлсэн, төслийн үзэл баримтлалыг хэлэлцэх эсэхийг шийдэх юм байна.

Харин үдээс хойш нь Монгол Улсын Ерөнхий сайдын мэдээлэл: “Эрүүл мэндийн тусламж, үйлчилгээ-Бүх нийтийн хамралт” сэдвээр мэдээлэл хийх аж.