"Монголын геологи, хайгуул " чуулга уулзалт ирэх сарын 22-25-ны өдрүүдэд 10 дахь жилдээ болох гэж байна. Чуулга уулзалтыг зохион байгуулахаар Уул уурхай, хүнд үйлдвэрийн яам, Ашигт малтмал, газрын тосны газар, Мэргэжлийн хяналтын ерөнхий газар, Шинжлэх ухаан технологийн их сургууль, Монгол улсын их сургууль, ШУА, Палеонтологи, геологийн хүрээлэн, Монголын үйлдвэрлэлийн геологчдийн холбоо хамтран ажиллаж байна.

“Монголын геологи, хайгуул-2018” чуулга уулзалтын хүрээнд Үндсэн хуралдаан, хэлэлцүүлэг,  Ашигт малтмалын ордын хайгуул, уул уурхайн ашиглалтын төслүүдийн танилцуулга, хөрөнгө оруулагчдын бизнес уулзалт болох юм.

Мөн "Монгол орны байгаль-Хайгуулчдын дуранд” гэрэл зургийн үзэсгэлэн,   “Эрдэс чулуулгийн цуглуулга, дээжис” үзэсгэлэнг зохион байгуулахаар төлөвлөжээ.