Агаарын бохирдлыг бууруулах чиглэлээр зарцуулж буй төсвийн хөрөнгөд үр дүнгийн үнэлгээ хийх саналыг НИТХ дахь АН-ын бүлэг гаргалаа. Тодруулбал, нийслэл жил бүр агаарын бохирдлыг бууруулахад 3.8 тэрбумыг төсөвт суулгадаг байна.

Нийслэлийн 2017 оны төсөвт 8.4 тэрбумыг тусгаж агаарын бохирдлыг бууруулах ажилд зарцуулсан бол энэ жил 3.8 тэрбум төгрөг суулгажээ.

Энэ мөнгийг ямар ажилд зарцуулав гэдэгт хяналт байх ёстой, ил тод байгаагүйн улмаас зарим нэг төсөлд бизнесийн нөлөө, шахаа бий болсон байх үндэслэлтэй. Иймд утаа, орчны бохирдлыг бууруулах ажлын хэрэгжилтийн талаар нийтийн сонсголыг хоёрдугаар сард багтаан хийх шаардлагатай гэж АН-ын бүлэг үзлээ. 

Эх сурвалж: Eagle.mn