Монголчуудын дунд дэлгэрсэн мэндчилгээний нэг хэлбэр нь хөөрөг солилцон мэндчилэх ёс юм. Хүмүүс харилцан хөөргөө гарын алганы дотор нэг цаг мөчид солилцон тамхилдаг учраас “Хөөрөг зөрүүлэх ёс” үүсжээ. Эв түнжин эвдэрсэн, хоорондоо муудсан хүмүүс тамхилж “Хонзонгоо арилгая. Хоёр биедээ өс санахгүй явъя”хэмээн эвлэрэх бэлгэдлийг илэрхийлдэг учраас “Хөөрөг зөрүүлэн” хуучнаа мартан, шинэ анд нөхөр бололцсоноо илэрхийлж бататгадаг.

• Эмэгтэй хүн тамхилахдаа өөрийнхөө хөөргийг магнайдаа хүргээд хоёр гардан ахмад, зочин гийчиндээ, ахмад хүний хөөргийг хоёр гардан аваад толгойноос дээш өргөн мэхэсхийгээд буцааж барьдаг заншилтай.
• Ахмад хүн дүүмэд хүний хөөргийг үнэрлээд буцааж өгдөг.
• Эмэгтэй хүн болон залуу хүмүүс хөөргөний толгойд хүрдэггүй, үнэрлээд буцааж барьдаг. Эмэгтэй хүн буцааж тамхийг буцааж өгөхдөө тамхи барьж буй баруун бараараа зүүг гар дээгүүр нар зөв нэг өргүүлээд буцааж барьдаг. Тамхилах ёс нь монголчуудын мэндчилгээний хүндтэй хэлбэрийн нэг юм.