‪Энэ амралтын өдрүүдэд болох Жюү жицүгийн азийн нээлттэй тэмцээнд оролцох баг тамирчид "Чингис хаан" нисэх онгоцны буудалд бууж эхэллээ. Өнгөрсөн шөнө ОХУ-ын баг тамирчдын түрүүч буюу Эрхүү хотын "Байкал" клубын тамирчид ирцгээж буудалжээ. 

Энэ тэмцээн World Rank-ийн өндөр оноо олгогдож байгаа учраас энэхүү тивийн нээлттэй тэмцээнийг зорих тамирчдын тоо цөөнгүй байна. Дэлхийн чансааны оноогоороо тивдээ эхний наймд шалгарч чадсан тамирчдад ирэх дөрөвдүгээр сард Абу Дабид болох Дэлхийн аварга шалгаруулах тэмцээнд урилгаар буюу бүх зардалаа цаанаасаа юм. 

‪Азий тивийн нээлттэй тэмцээнийг зорих тамирчдын ирэх цуваа үргэлжилсээр өнөөдөр өглөө Киргизын тамирчин ирэх бөгөөд тэрээр дэлхийн чансаад #3 бичигддэг тамирчин юм. Харин өдөр нь Солонгос тамирчид ирэх болно. Мөн маргааш буюу 26-нд ОУ-ын шүүгчид болон 110кг-ийн жинд дэлхийн чансааг тэргүүлэгч Бразилын тамирчин Чингис хаан ОУ-ын нисэх онгоцны буудалд буух болно. Тэмцээнд нийт 11 орны 550 шахам тамирчин оролцохоор бүртгүүлээд байна. ‬