Монгол улсын баг тамирчид "Инсбрук-1964" Өвлийн IX Олимпийн наадамд анх удаагаа оролцон орчин цагийн Олимпийн наадмын шинэ хуудсыг нээж байсан юм. Монгол улс "Инсбрук - 1964" Өвлийн IX Олимпийн наадамд тэшүүрийн спортын төрөлд 4, цанын спортын төрөлд 9 тамирчнаа илгээсэн нь Өвлийн Олимпийн наадмын түүхэнд хамгийн олон Монгол тамирчин оролцсон явдал юм.

Монголын багийн тугчаар Л.Цэнд /МУГТ/ оролцсон бол тэшүүрийн спортын төрөлд Ц.Лхамжав /МУГТ/ Монголын Өвлийн спортын түүхэнд тэшүүрийн төрлөөр оролцсон цорын ганц эмэгтэй тамирчин юм. Мөн биатлонч төрөлд өрсөлдсөн Б.Дамдинжав 14 орны 51 тамирчнаас 38-р байранд орсон нь Монголын Өвлийн Олимпийн наадмын түүхэнд үзүүлсэн хамгийн өндөр амжилт болон үлдсэн.