Нэгэн үе хөлбөмбөгийг шилдэгүүдийн тоонд ордог байсан тоглогчид энэ жилийн ДАШТ-д дасгалжуулагчийн үүргээр оролцох болжээ. Ингээд та бүхэнд тэднийг танилцуулъя. 

• Мирослав Клозе (Герман) ДАШТ-ий бүх цаг үеийн мэргэн бууч, Германы шигшээ багийн шилдэг довтлогч асан Клозе энэ удаад Йохим Лёвын дасгалжуулагчийн албанд ажиллана.

• Ивица Олич (Хорват) 2002, 2006, 2014 оны ДАШТ-д шигшээ багаа төлөөлөн оролцсон экс Баейрн Мюнхений довтлогч маань Златко Даличийн туслахаар ОХУ-ыг зорих гэнэ.

• Таффарел (Бразил) 1994 оны алт, 1998 оны мөнгөн медальт тоглогч дасгалжуулагчийн ажлын гараагаа Галатасарай клубын хаалгачийн дасгалжуулагчаар эхэлсэн бол энэ удаад Бразилийн шигшээ багийн дасгалжуулагчийн албанд багтжээ.

• Дидье Дешам (Франц) Францын шигшээ багийн ахлах дасгалжуулагчаар 2012 онд томилогдсоноос хойш 2014 оны ДАШТ-д шөвгийн 8, 2016 оны ЕАШТ-д аман хүзүүдсэн амжилт үзүүлсэн.

• Станислав Черчесов - ОХУ-ын ахлах дасгалжуулагч. 1994 болон 2002 оны ДАШТ-д оролцсон ч ердөө ганц тоглолтонд тоглосон нь түүхэнд үлджээ. 1994 оны ДАШТ-д ОХУ - Камеруны шигшээ багуудын тоглолтонд ОХУ 6:1-ээр өрсөлдөгчөө бут ниргэсэн. Черчешовын хаалгаа манаж байсан энэ тоглолтонд Олег Саленко 5 гоол оруулж, энэ рекорд одоо ч эвдэгдээгүй бол Камеруны ганц гоолыг Роже Милла 42 насандаа оруулж хамгийн ахмад гоол оруулсан тоглогч болж байсан түүхтэй.

• Ча Ду Ри (БНСУ) 2002 оны ДАШТ-д олонд танигдаж эхэлсэн хамгаалагч Герман, Шотланд, Солонгост тоглогчийн кареераа хөөсөөр 2015 онд зодог тайлсан. Одоо тэрээр БНСУ-ын шигшээ багийн хамгаалалтын дасгалжуулагчаар ажиллаж байна.

• Йон Даль Томассон (Дани) Данийн шигшээгийн бүх цаг үеийн мэргэн бууч, 2002 болон 2010 оны ДАШТ-д оролцож 5 гоол оруулсан. Одоо тэрээр Данийн шигшээгийн туслах дасгалжуулагчийн ажилтай.

• Тиерри Анри (Франц/Белги) Францын шигшээ багийн шилдэг довтлогч, Монако, Ювентус, Арсенал, Барселона, Нью Йорк зэрэг багуудад тоглож явсан хөлбөмбөгийн ноён оргилуудын нэг. Энэ удаад "Улаан Чөтгөрүүд"-ийн туслах дасгалжуулагчийн дүрээр ОХУ-д ирэх нь дээ.

• Гарет Саутгэйт - Английн ахлах дасгалжуулагч