Отрядын Гүндэгмаа Катарын Доха хотод болж буй буудлагын Азийн АШТ-ээс "Токио 2020"-д оролцох эрх авлаа. 1993 оноос буудлагын спортоор хичээллэж эхлээд 17 настайдаа Азийн мөнгөн медаль хүртсэн Хөдөлмөрийн баатар, гавьяат тамирчин маань #Tokyo2020 олимпийн эрхээ өнөөдөр авлаа. Ингэснээр манай тамирчин долоо дахь удаагаа олимпод оролцсон ховор амжилтын эзэн болох нь. 

1993 оноос буудлагын спортоор хичээллэж, 17 настайдаа Азийн АШТ-ээс мөнгөн медаль хүртэн амжилтынхаа гарааг эхэлсэн тэрээр "Атланта 1996", "Сидней 2000", "Афин 2004", "Бээжин 2008", "Лондон 2012", "Рио де Жанейро 2016"  зургаан олимпод дараалан цэц мэргэнээ сорьж, Бээжингээс мөнгөн медаль хүртэж байв.