Дэлхийн 5 удаагийн шилдэг хөлбөмбөгчин Кристиано Роналду “Инстаграм” хуудсанд хамгийн олон дагагчтай хүн боллоо. Италийн “Ювентус” клубийн довтлогч 2016 оноос энэ алдрыг эзэмшиж байсан АНУ-ын поп дуучин Селена Гомесыг дагагчийнхаа тоогоор гүйцэж түрүүлжээ. 26 настай Селена хоёр жилийн өмнө өөрийн мэргэжил нэгт Ариана Грандэг гүйцэж байсан билээ.

Одоогоор Роналдугийн “Инстаграм” дахь дагагчийн тоо 144.309.204 байгаа бол Селенагийнх 144.308.767 байна. Селена 9-р сарын 23-наас хойш өөрийн хуудсанд пост оруулж амжаагүй бол Роналду өнөө өглөөхөн шинэ пост оруулжээ. Гэхдээ Селена Гомесын хувьд өнгөрсөн сард өгсөн нэгэн ярилцлагатаа цахим орчинд төдийлөн удаан байдаггүй, “Инстаграм”-ынхаа нууц үгийг ч мартсан талаараа ярьсан байна.

Роналдугийн хувьд энэ зун Испанийн “Реал Мадрид” клубээс Италийн “Ювентус”-д 100 сая еврогоор ирсэн. Португал довтлогч одоогийн байдлаар Италийн “Сери А”-д 10 тоглолтод оролцохдоо 7 гоол оруулж, 4 гоолын дамжуулалт өгөөд байгаа билээ. “Ювентус” ч түүний ачаар Италийн лигийн хүснэгтийг удаах байранд яваа багаасаа даруй 6 онооны илүү тэргүүлсээр байна.

“Инстаграм”-д хамгийн олон дагагчтай одууд: