2015 оны Парист болсон халдлагын тухай кино хойшлогджээ. Ce Soir-Là (That Night) кино зураг авалтаа хийгээд засварлах явцад явж байгаа ч Францын олон нийтийн телевиз France 2 түр хугацаагаар хойшлуулжээ.

2015 оны 11-р сарын 13-нд болсон халдлагын үеэр 130 хүн амиа алдсан. Уг халдлагад нөхрөө алдсан эмэгтэйн өргөдөлд 42500 хүн гарын үсгээ зуржээ. Тэрээр киноны зохиол болох 2 шархадсан хохирогчийн романсыг шүүмжлэн уг төслийг цуцлахыг хүсчээ. Улмаар  France 2 суваг уг төслийг хойшлуулах шийдвэр гаргажээ.