Иран улсын ерөнхийлөгч Хассан Роухани 72 дахь НҮБ-ын ерөнхий ассемблейн хурлаар Нью-Йорк хотод байхдаа АНУ-ын ерөнхийлөгч Дональд Трампын уулзах хүсэлтээс татгалзжээ.

Иран улсын гадаад явдлын яамны төлөөлөгч Бахрам Кассеми ням гарагт хэвлэлийн хурлын үеэр Трамп Иран улсын ерөнхийлөгчийг Нью-Йорк хотод байхад нь уулзах хүсэлт тавьсан талаар хэлжээ. “Ийм уулзалтыг АНУ-ын талаас хүссэн ч Ираны ерөнхийлөгч татгалзсан” гэсэн байна.

Хоёр улсын холбоо хамгийн өндөр зэрэгт байсан үе бол 2013 онд Ираны ерөнхийлөгч Роухани АНУ-ын ерөнхийлөгч Барак Обаматай утсаар ярьсан явдал юм.

Ираны ерөнхийлөгч Роухани ерөнхий ассемблейн илтгэлийн үеэр Трампийн Ираний эсрэг хэлсэн үгийг эсэргүүцэн үг хэлсэн юм.