LEGO НАСА-гийн эмэгтэйчүүд гэсэн сансрын агентлагийн эмэгтэйчүүдийн 4 фигурийг гаргах болсноо мэдээллээ. Сансрын нисэгч Салли Райд, Мэй Жемисон, астрономич Нэнси Грэйс, компьютерын эрдэмтэн Маргарет Хамилтон нарын тоглоомыг фенийн санаачлагаар худалдаанд гаргахаар болжээ.

LEGO санаанууд дээр MIT мэдээний редактор Маяа Вэйнсток тус санааг анх дэвшүүлжээ. LEGO фенээс санаа аван тоглоом үйлдвэрлэсэн тохиолдолд анх санаа гаргасан хүн борлуулалтын 1% ийг авдаг байна. Шинжлэх ухаан, технологи, инжинер, математикийн салбар дахь шинийг санаачлагч эмэгтэйчүүдийг LEGO-той цуг судалцгаая гэж тус компаниаас хэллээ.