ОХУ удахгүй өөрийн гэсэн цахим рубль буюу крипторубль гаргахаар болжээ. Энэ ажил нь Ерөнхийлөгч В.Путины шууд санаачлагаар хийгдэж байгаа ажил юм байна.

Харилцаа холбооны сайд Николай Никифоров Москвагийн нэгэн клубын уулзалт дээр “Бид крипторубль гаргана гэж би яагаад ийм зоригтой хэлж байна вэ гэвэл, хэрвээ бид үүнийг одоо хийхгүй юм бол хоёр сарын дараа Евро Азийн эдийн засгийн зөвлөлд багтдаг манай хөршүүд гаргачихна” гэж ярьсныг “Аргументы и Факты” сонинд иш татсан байв. Түүний хэлснээр бол крипторубль тун удахгүй гарах гэнэ.