Ираны “Бимех Рази” клуб Америкийн бөх “Лондон-2012” олимпийн наадмын аварга, дэлхийн дөрвөн удаагийн аварга Жордан Барроузд арванхоёрдугаар сарын 7-8-нд Тегеранд болох клубийн ДАШТ-д өөрийн нэрийн өмнөөс барилдах санал тавьсаныг ISNA агентлаг мэдээлжээ.
“Бимер Рази” нь 2014, 2015 онд клубийн ДАШТ-д дараалан түрүүлж, өнгөрсөн жил Украины Харьков хотод болсон тэмцээнд АНУ-ын “Титан Меркури”-д финалд ялагдаж үзүүрлэсэн юм. Дэлхийн аварга ОХУ-ын Бекхан Гойгереев, Магомед Курбаналиев 2014, Магомедрасул Газимагомедов 2015, Европын аварга Ильяс Бекбулатов өнгөрсөн жил тус клубийн бүрэлдэхүүнд багтаж байв.
"Бимех Рази" клуб нь энэ жил олимп, дэлхийн аварга Хассан Яздани, дэлхийн хошой аварга Реза Яздани нарыг эгнээндээ нэгтгээд байна.
Тэмцээний нийт шагналын сан 50 мянган ам.доллар бөгөөд аварга болсон нь 25, дэд аварга 15, хүрэл медаль 10 мянган “ногоон” хүртэнэ.
0
0
0
0
0
0
