“Samsung” компани АНУ-ын Сан-Франциско хотноо болсон хурлын үеэр олон нийтэд шинэ загварын виртуал дуулгаа танилцуулсан байна. "Windows Mixed Reality" компанийн дэмжлэгтэйгээр бүтээсэн тул виртуал орчныг мэдрэх боломжтой дуулгыг "HMD Odyssey" гэж нэрлэжээ.

Энэ дуулга нь дотор талдаа Эмолэд дэлгэцтэй, 110 хэмийн камертай, AKG нэртэй чихэвч, микрофон болон орчныг орон зайг мэдрэгч төхөөрөмжөөр тус тус тоноглогдсон хэмээн танилцуулгадаа онцолжээ. Эх сурвалжуудын мэдээлснээр, тус дуулгыг интернет холболттой суурин эсвэл зөөврийн компьютерт холбох шаардлагатай талаар хэлсэн юм. Мөн дуулганаасгадна 2 гартаа барих зориулалтын шинэ төрлийн тоглоомын удирдлага нь виртуал ертөнцөөр аялах боломжийг илүү нээж өгөхөд тусална хэмээн мэдээлсэн байна. Шинэ загварын дуулга нь 1600-г харьцах нь 1440 нягтаршилтай 3,5 инчийн хэмжээтэй 3 хэмжээст орчныг дүрсжүүлэгч дэлгэцтэйгээр хийгдсэн байна.

Тус виртуал орчныг бүрдүүлэгч ухаалаг дуулгыг “Samsung” компанид дэмжлэг үзүүлсэн "Windows Mixed Reality" компани нь үүнээс гадна "Lenovo", "Acer", "Asus", "HP" болон "Dell" зэрэг компанийн технологийн шинэ бүтээгдэхүүнд мөн адил дэмжлэг үзүүлэн хамтран ажилладаг аж. Энэ сарын 17-оос эхэлж дэлхийн зах зээлд худалдаалагдаж эхлэх "HMDOdyssey" виртуал дуулга 500 америк долларын үнэтэйгээр хэрэглэгчдийн гарт очих юм байна. Энэ нь бусад төрлийн виртуал дуулганы үнэтэй харьцуулахад хамгийн өндөр үнэд борлуулагдах бүтээгдэхүүн хэмээн онцолж байгаа юм.