Дуучин Кети Перри шинэ цомгоо сурталчлан АНУ-ээс эхлэн аялан тоглолт хийхээр болсон. Тэр 9-р сарын 7-нд Охио мужийн Колумбус хотод эхлэх байсан тоглолтоо хойшлуулан 9-р сарын 19-нд Монтрейлд тоглохоор болжээ.

Өөрийн инстаграм хуудсандаа “Тайзны гол чимэглэл бэлэн болоогүй тул энэ долоо хоног сургуулилт хийж амжсангүй. Тиймээс аялан тоглолтоо түр хойшлуулахаар боллоо. Ийм зүйл болсонд хүлцэл өчиж байна. Гэхдээ хүлээсэн нь сайн болжээ гэмээр тоглолт болоосой гэж найдаж байна” гэж дуучин бичжээ.

Түүний аялан тоглолтонд дуучин Ноа Сайрис, Карли Рэй Жефсен нар хамтрах юм байна.