Рияаннагийн санаачлагаар Малави улсын охид сургуульдаа аюулгүй хүрдэг болох гэж байна. Тэр өвөө, эмээгийнхээ нэрээр нэрлэсэн Clara Lionel санг 2012 онд байгуулжээ. Рияанна боловсрол эзэмших боломжгүй хүүхдүүдэд туслах зорилготой гэдгээ илэрхийлсээр ирсэн.

Малави улсын 4.6 сая бага ангийн сурагчдын дөнгөж 8 хувь нь сургуулиа төгсдөг. Охидод энэ асуудал бүр хүндрэлтэй төдийгүй сургуульд нь хүргэх тээвэргүй улмаас хүүхдүүд сургуулиа хаядаг байна. Энэ асуудлаар Рияанна Бээжингийн OFO унадаг дугуйн компанитай хамтарч ажиллаж байна. Тиймээс  тэтгэлэг авсан охидод сургуульд явах замдаа унах дугуйг нь OFO хандивлахаар болжээ.

Clara Lionel OFO хоёр хамтран охидын боловсролд санхүүгээр туслана.