Америкийн шүүх Apple-ийг Висконсин-Мадисон их сургуулийн патентыг зөрчсөн гэж 506 сая доллар төлөх шийдвэр гаргажээ. Хоёр талын патентын зөрчлийн шүүх хурал 2 жил үргэлжилж байна.

2015 оны 10-р сард шүүхээс Apple iPhone, iPad mini, iPad air төхөөрөмжүүдийн чипийг хийхдээ патентын эрх зөрчсөн гэж шийдвэрлээд байлаа. iPhone 5S, 6, 6 Plus утаснуудын A7, A8, A8X процессор нь Висконсин-Мадисоны патенттай технологийг ашигласан гэсэн байна. Энэ үед шүүхээс Apple-ийг 234 сая долларын хохирлыг барагдуулахаар шийдвэрлээд байв.

Харин одоо Америкийн шүүхээс Apple-ийг патентын эрхийг зөрчсөөр байгаа тул хохирлыг 2 дахин нэмэн төлүүлэх шийдвэр гаргасан гэжээ.