Бидний хүүхэд нас эсвэл 1990, 2000-аад онд анх компьютертэй танилцах үеийн нэгэн хэсэг болсон Microsoft Paint-ийг хэрэглээнээс гаргах болсон харамсалтай мэдээг зарлалаа. Анх 1985 оны Windows 1.0 хувилбартай гарч ирсэн Paint-ийг Windows 10-ийн дараагийн апдейтээр хасахаар болжээ.

Windows-ийн цөм хэсэг болсон анхны график эдитор Paint-ийг бүр мөсөн хасахгүй. Харин Windows Store дотор үнэгүй байрлуулна гэжээ. Гэхдээ түүнд цаанаас ямар нэгэн апдейт хийгдэхгүй тухай мэдээлсэн байна.

Нэмээд өнгөрсөн 10-р сард Microsoft Paint 3D гэсэн  3D зураг бүтээдэг эдитор гаргана гэсэн байна.