1997 оны 6-р сарын 26-нд Ж.К.Роулингийн Харри Поттер цувралын анхны ном хэвлэгдэж байлаа. Харри Поттер ба Философичийн Чулуу ном 20 жилийн өмнө анх удаа дэлгүүрийн номын тавиурт залран, дэлхийд ид шидийн ертөнцийг танилцуулжээ.

 

Твиттерт #HarryPotter20 хэштааг моод болж, номын зохиолч фенүүдэд мэнд хүргэжээ.

"Өнөөдрөөс 20 жилийн өмнө миний ганцаараа амьдарсаар ирсэн дэлхий бусад хүмүүст нээлттэй болсон. Өдийг хүртэл гайхалтай байсаар ирлээ. Баярлалаа."

Цувралын бусад зургаан ном ар араасаа хэвлэгдсээр 2007 онд Харри Поттер ба Үхлийн Шүтээнээр дууссан. Номнууд жүжигчин Даниел Радклифф, Эмма Ватсон, Руперт Гринт нарын бүрэлдэхүүнтэй найман блокбастер кино болж байлаа.