Армений үндэсний шигшээ багийн ахлах дасгалжуулагч “Атланта-1996” олимпийн наадмын мөнгөн медальт, ДАШТ-ий хүрэл, ЕАШТ-ий алт, мөнгө, хүрэл медальт Армен Мкртчян албан тушаалаасаа огцорсоныг Армений чөлөөт бөхийн холбоо албан ёсоор мэдэгдлээ. Армений чөлөөт бөхийн олимп, ДАШТ-ий анхны медальт 44 настай тэрбээр 2017 оны нэгдүгээр сараас шигшээ багийн ахлах дасгалжуулагчаар сонгогдсон ч зургаан сар ажиллаад үүрэгт ажлаасаа чөлөөлөгдлөө. Түүний халагдсан талаар бөхийн холбоо нь мэдэгдэл гаргаагүй ч охиных нь эрүүл мэндийн асуудлаас болж, Бельги рүү буцсан гэдгийг тус улсын хамгийн том мэдээллийн веб сайт NEWS.am мэдээлжээ. Армений үндэсний шигшээ багийн тамирчид өнгөрсөн тавдугаар сард Сербид болсон ЕАШТ-д 61 кг-д Володя Франгулян, 74 кг-д Григор Григорян, 125 кг-д Леван Берианидүе нар хүрэл медаль хүртсэн. Мкртчян энэхүү үр дүнд сэтгэлд дундуур, ажлын нөхцөл байдалд ч аз жаргалгүй байсан гэнэ