Монголын Үндэсний Музей, Богд хааны ордон музей, Геологи, эрдэс баялгийн музей болон Монгол шуудан компани хамтран “Есөн эрдэнэ” хэмээх есөн нэрийн марктай нэг хэлхээ маркийг худалдаанд гаргажээ. 

Тус нэг хэлхээ маркан дээр байгаль дээр оршин байдаг есөн эрдэнийг, монголчуудын хамгийн өргөн хэрэглэдэг эдлэл хэрэглэлийн хамтаар дүрсэлсэн байна. Мөн түүх, соёлын хосгүй үнэт өв болох “Улаан сахиус” цамын шүрэн баг, Дондогдулам хатны маргад шигтгээтэй “Сувдан тоорцог”, есөн эрдэнэ шигтгэсэн “Танан хөөрөг” зэргийг дүрсэлжээ.